Thak kar jab dil dhalne laga , aur nami kho si gayi
 In jhulfon ki chaon jab , angaaron ki tapish lagi
 Madham ho kar sansen , tez si badhti chali
 Khoya paya kuch nai , bahi meri khali hi rahi !

 Un manzilon par pahunch kar bhi
 Aage hi takte rahe hum….
 Piche mudhkar dekhe kahan
 Nishan kadmon ke chode hi nahi !

 Purab mein suraj jagta hai
 Hum paschim ki bhor takeen
Andhyara hai mann ko ghere
Mujh dishaheen ko farak nahi !

 Umar – masumiyat dekh ke teri
 Ji lachaya mera bhi
Panne palat ke bahi ke apne
Socha ki rang dalun mein …..

Lekin barson se band rakkhi wo budhi syahi sookh gayi
Mein takta reh gaya akela Jab “paschim” ki bhor dhali !!

Robotic

Dhundhla se gaye jazbaat kahin
 Robotic hui dincharya jab
 Bhor ki choti parchayi nein
 Piche se kandha roka jab
 Ehsaas hua umar gujarne ka
 Masumiyat nei khud se dum toda jab
 Aawaz di gujre manjhi nei
 Ruk doudna , tham kar saans le ab !

ret ki tarah

ret ki tarah rishtey
mutthi se phisal jaaten hain
jaate-jaate hatheliyon mein
karnkar ki chubhan de jaate hain
ret ki tarah ristey !!

parchai mein apni

Tanhai ko, gale laga kar
jab
rone ka dil kiya...
apni hi parchai mein
tab
khone ka dil kiya !!

Udaan

Ek khwabon ki udaan hai
Armaano ke pankho par....

Ek dil ki daastaan hai
Thartharate in adhron par...

Kis mod par pahunche hai
Kis manzil tak jana hai
Meelon ki duriyaan
Palkon mein samana hai

Ek khwabon ki udaan hai

Is chandan ka sparsh hai
Us mrigya ki gati hai
Kasturi-gandharika sa
Sama mein samana hai

Ek khwabon ki udaan hai
Ek dil ki daastaan hai.....

khusi ke maiene.....

Kyun har khushi ke maiene dhundhten hai hum
kyun zindagi ke nashe mein nahi dubte hain hum

Ek baar soch dost mere, kya falak-zamee
tu hai tou, zindagi se..rubru hain hum

kyun har khusi.....

Jo lag kar gale se chum le, wo zindagi nahi
kyun zindagi mein, maut ke nishan dhunte hain hum...

Kyun har khushi ke maiene dhunte hain hum !!!

Teri yaad...

Pedon ke peeche se dhalta suraj
aur kokila ke madhur geet
mujhe teri yaad dilaten hain...

basant ke aagman ki pehli nishani
wo tesu ke khilte lal phool
mujhe teri yaad dilaten hain...

je bahlane bagh mein nilki tou
khate meethe swad liye , amrai nei
phir teri yaad dilayi hai....

peeche mud kar sarwar tath par dekha
"prem leen hanso ka joda "
unko dekh, aaj phir se
mujhe teri yaad aayi hai ...

din gujra aur raat hui
diye ki baati lau bikhere hai
deepak ki yeh priyasi baati bhi
mujhko teri yaad dilati hai....

tanha man, sagar tath pahuncha
lehron ka bhi , kinara saathi hai
sirf ek akela mein hi hoon yahan
mujhe teri yaad satati hai....

ab chautha pahar dhalne ko hai
aur rajni nei li angdai hai
phir tanhai ka ehsaas hua
phir mujhko , teri yaad aayi hai !!